قناة الجزائر – أفادت مصادر مؤكدة لموقع راديو كلمة الإخباري الجزائري أن نجلي كل من الجنرال الحركي خالد نزار، و الجنرال الدموي محمد مدين المدعو توفيق قد أطلقا موقعا إخباريا على شبكة الإنترنت.
وتأتي هذه الخطوة بعد شراكة طويلة في إطار مؤسسة “أس أل سي” للتزويد بالإنترنت ذات التدفق العالي، التي تتركز خدماتها فقط على كبريات المؤسسات الإعلامية و الشركات الكبرى و الخاصة داخل الجزائر. ويعتزم لطفي نزار و سيد علي مدين هذه المرة الإنشغال أكثر بالمادة الإعلامية في المؤسسة.
ويكفي قراءة عنوان الموقع « algeriepatriotique.com » لفهم المغزى الذي يقصده مؤسسوه. وهو توجيه المعلومات في إطار “الوطنية” المزعومة…والذي نسيه الجنرالين و نجليهما أن كلمة “باتريوت” علقت بذهن الجزائريين كناية عن المجازر و الحقرة التي ارتكبتها المليشيات المسلحة التي ظهرت في التسيعنيات بأمر من جنرالات القتل و الفساد.
وكانت مصادر صحفية ومالية قد أشارت إلى أن شركة “أس أل سي http://www.slc.dz ” قد تأسست مع مطلع القرن الحالي برأس مال قدره ستمئمة مليون دولار، في وقت كان خالد نزار يعيش أزمة محاكمة الحرب القذرة حيث زعم حينها أن أبناءه يعانون من البطالة. وتسعى إلى نقل تكنولوجيا الإنترنت بما فيها إنترنت “واي مكس” لخدمة الشركات الأجنبية الكبرى المهيمنة على الإقتصاد الجزائري.
ومن أبزر ما لوحظ على موقع الجزائر باتريوتيك هو نص عريضة “لمحاكمة “الإرهابي” مراد دهينة في المحاكم الفرنسية وتسليمه إلى المافيا الجزائرية لينال جزاءه”
http://algeriepatriotique.com/sites/default/files/documents/document148_18_2_2012.pdf
لطفي نزار وسط الصورة في جمع يضم إبن الجنرال بن معلم صاحب شركة كوبريسود الأمنية المسلحة التي تزاول نشاطها في الصحراء، إضافة إلى وجوه أخرى مقرفة مثل الجنرال بن معيزة وزوجته.
——–
ملحق: تصوير يظهر مؤسسة خالد نزار للإنترنت slc على مواقع صحف الخبر و الوطن:
هذا هو الباتريوتزم تاع الصح … والله العظيم غ راني زعفان على خاطر ولد جنرال راه بطال كيما حنا … مسكين … باين عليه بلي قرا بزاف حتى ما صابش بلاصتو ، بصح والله غ راني مستعد نخلي لو بلاصتي عند الحيط إلى بغا … وإلى ما بغاش نخلي لو الحيط وزيد الكرتي كامل باش يتهنا ويصيب وين يدير ظهرو…
وهاذ المساكين كيفاش تقولو عليهم حوايج مشي ملاح خلاص… شوفو كامل راهم ما لا بسين كيما حنا ، والجنرال المسكين كرشو خرجت م الجوع … ما لقاش حتى واش ياكل….
وهاذ الشابات التي راهم متصورين هنا … ها هم كامل يقولو لكم بلي حنا هوما الجزائريين تاع الصح … وناس وطنيين نبكو عال البلاد … وبارتيوت تاع الصح بلا مزية …
ونزيدو لكم حتى الانترنات نديوه باش نخبرو الدنيا عليكم بلي حنا هوما الصح اللي يحب الجزائر .. مشي كيما راهم يقولو لكم علينا …
والله العظيم غ هذا الصح … واللي ما فهم اليوم وقتاش يفهم … واللي حاجتو في خاطرو راه بلا معاودة قاري الحساب… وغيس يالي حاب تغيس هذي موجة تدي وانترنات يرجع ..
كاين حاجة وحدة نسيتها ملفرحه اللي ولاد الباتريوتيزم نساوها لي : رانا نشوفو ولد نزار مع جنرال بصح ولد مدين وين ؟ ما تقولو ليش بلي راه متصور على اليمنه ولا ليسره تاع ولد نزار … ولا مانيش نشوف الله غالب لواحد راه بالنواظر تاع الطبيب وا سلكش يا خاوتي …
الصبح قريب، إن شاء الله….
وحق الله العلي العظيم لقد طال علي الانتظار يا خوي عبد الله … والله والله والله لقد طال الانتظار يا راجل… وحاش لله العظيم أن يتخلف وعده فما إلى ذلك قصدت ، ولكن الشكوى استرواح يا العزيز.
ولا بد من شكوى إلى ذي مروءة يا العزيز…
لقد انتظرت حتى مللت الانتظار ، وكرهت الانتظار حتى عز مني الاصطبار…
وأعدت النظر وما زدت بعد الانتظار إلا انتظار الانتظار…
وما بعد الانتظار سوى الانتظار..
لكل أمة في هذي الأرض ليل زال..
وليس في بلدي بعد الليل نهار..
مللت يا عبد الله من الانتظار..
وأحرقني طول الانتظار من الاصطبار…
فمتى يا عبد الله …
متى أحيى وأرى الحق في يد الثوار…
متى ترجع الجزائر إلى عهدها ؟…
متى تشرق الشمس في أرضها ؟ …
ومتى يزدهي الحب في جنبها ؟ …
فلقد طال يا عبد الله الانتظار ….
والسلام عليك وعلى كل من فهم آهات من الجزائر العميقة.
السلام عليكم ورحمة الله وبركاته:
بارك الله فيك وفي اعمالك واثابك الله وسائرالمسلمين ان شاء الله.
اسال الله العظيم أن يجعل القرآن ربيع قلوبنا ، ونور صدورنا ، وجلاء همنا ، وذهاب حزننا. آمين.
اللهم أنصر عبادك المستضعفين وزلزل عروش الطواغيت وأنزع ملك الجبابرة الظالمين وأحفظ عبادك الصالحين وأنصر أوليائك المجاهدين يارب العالمين
المجرمون يطلقون موقع على النت للتهجم على باقي الشعب … سيأتي اليوم الذي يدفعون فيه الثمن
تموت الاسود في الغابة جوعا
و لحم الظان نأكله الكلاب
ماكاش الرجال خلاصو ابقاو الشياطين و ابناء الحركى عايشين في البلاد
صفق و زيد صفق يا شعيب لخديم زيد اضرب الشيتة لسيادك
الله يرحم المجاهدين اللي ماتو من اجل تحرير الجزائر و لكن ماتو و ما خلاوش الرجال
عيشوا يا ابناء الحركى
لا اعتقد أن هذا الخبر يتطلب كل هذا الزحم “” الباتؤيوتيزم”” لا يعرفون معناه اذا نحن بنات فاطمة نسومر نقةل لهم لعنة الله على من علمكم خيانة الجزائر انتهى التعليق!!!! لا يستاهلو أكثر من هذا!
سلام الله عليكم ورحمته وبركاته يا خوتي خاصة الأخ عبد الحفيظ ، وإليه هذا الجواب ، فأقول :
كيفاش تقول على هذي الوجوه الطيبة والشخصيات الكريمة بللي مجرمين ؟ خسارة يا سي عبد الحفيظ واش هاد الكلام في الرجالة اللي راهم شادين لبلاد ، ومزيه الحمد لله ولو كان مشي هوما كيفاش تتخيلها تمشي يا خوي العزيز ؟
وراه عارف بللي وليد الجنرال راهو قدامك واقف وما صابش حتى خدمه يخدمها مسكين … على بيها راهو دار موقع تاع لانترنات باش يخدم شوي على روحو هاذا ماكان … كيافش تقول على واحد خدام بللي هو مجرم ؟؟؟ … أنت متحبش اللي يخدم على روحو ولا كيفاش ؟
وزيد شوف هاد الشابات اللي راهم متصورات بهاد الحطة … شوف شحال مساكين … حتى الجنرال اللي راهو معاهم مسكين بحالهم … والله غير راني زعفان منك يا خوي عبد الحفيظ..
كاينه غير حاجة وحده غابتلي فيها لو كان دير مزيه نشا الله ربي يطول عمرك … حوّس لي على وليد الجنرال مدين معاهم .. لخاطر سمعت بللي حتى هو راه متصور معاهمبصح منين راني داير نواظر معرفتش هو وين راه معاهم … وسامحني يا العزيز إذا زعفتك بكلامي …
وفي الأخير : يا خوتي … شوف الباتريوتيزم تاع الصح كيفاش يكون … ودير كيما دار جارك ولا حول باب دارك … أنا قلتها واللي يفهم الحساب ما نعاود لو جواب ، وإذا كان اللي ما يفهم واش ف التصاوير ما عندي ما نزيدو في التعابير .. والله يحفظ خوتي وبقيتكم على خير يا رجاله … السلام عليكم ..
إلى خوي العزيز سعيد : اللهم آمين يا خوي ، بصح والله غ راني حاب تدعي لي معاك ، وربي ما يخيب اللي دعاه ، ادعي لي يا خوي وما تنسانيش الله يحفظك ، والسلام.
إلى خوي العزيز سعد : السلام عليكم ورحمة الله تعالى وبركاته.
شوف يا خوي العزيز : والله غ راني حاب نقول لك بللي راني حاسس بالجمرة وربما أكثر منك … بصح ما حبيت نسمع بللي الشهداء الله يرحمهم ماتوا وما خلاوش الرجال .. لا لا يا خوي كاين الرجال ، وانت واحد منهم وماتخافش من كثرة الشياتين … الشيتة من بكري قديمة..
بصح شوف ديمة لفوق … شوف لفوق واطلب ربي ساعة الخير راهي جايه كي ليوم … طال الضر على عوادو وما تدوم شدة على الصبار يا لعزيز…
انت راجل … والرجال قلال .. والذهب ينباع بالسومه ، وراك عارف بللي الرخس رخيس وما فيه سومه ، وإذا انباع يشروه بلا ميزان … افهم الحديث وقيس وعندك تخليها في خاطرك راهي الدنيا لعابه ، واللي آمن فيها تضحك لو ومم بعد تلعب بيه … هذي شواده راهي تلعب … وهاذو ثعالب تصفق باش تعيش … واللي حاب يشوف الصح يرجا ساعة السبع إذا جات … ونهار يحضر مولاها تشوف بعينك نشا الله مول الرطل ومول الكيلو ، افهم واش حدثتك ، وعود كلامي على اللي يفهم ، والسلام عليكم ورحمة الله وبركاته يا تراس وليد الرجاله …
السلام عليكم ورحمة الله وبركاته … وجوابي على وداد باين ما عليه غبار ..
شوفي يا الاخت العزيزة الله يزيد لك في الخير والايمان ويعطيك الصحة الدايمة ان شاء الله : حنا ما قلنا والو على هذا الخلق اللي راهم متصورين قبالك … شوفي فيهم مليح كاش واحد دار حاجه ماشي مليحه .. راهم متصورين يضحكوا ومسرورين بزاف … والفرحه على وجوههم بصح هوما لابسين كيما حنا ، وفارحين كيما حنا ، ويحبو بعضيهم كيا حنا … وراهم دايرين اليد ف اليد باش يعمروا البلاد ، ويفرحوا العباد ، ويطبعوا الوعده والميعاد ، غ اللي ما بغاش برك الله يسامحو ويهديه .. كيفاش تقولي عليهم بللي ما يستاهلوش التعليق … لا لا لا .. كلامك عليهم ما هوشي مصاوب بزاف يا اختي الغالية …
كاينه حاجه برك كي نتفكرها نموت بالهم ، ونبكي بالدم ، وخاطري مغلوق م الغم : لو كانت لا لا فاطمة نسومر ما زالت على قيد الحياة الله يرحمها ويوسع عليها : واش راح تقول على هاذ الشابات اللي راهم متصورين بهاذ الحطة مع الرجال … واش تقول في وحده اسمها : آمال ، ووسيله ، ومينه ، واسماواتهم قاع عرب ، وحاملين الجنسية الجزائرية ، بصح يحبو حاجه وحده اخرى … وهاذ الحاجه اللي يحبوها هاذ الشابات ما تحب هاش لالا فاطمه …
انا نعرف بللي لالا الله يرحمها ويوسع عليها كانت تحارب فرانسا .. ولالا الله يرحمها ويوسع عليها كانت مستورة وتشد في دين الله وتحارب عليه … واللي يفهم المكتوب يستاهل دعا واحد محبوب …
هاذا جوابي يا وداد الله يزيد لك في الخير والصحه ، وافهمي كلامي على خاطر اللي فهم القليل ، ما يحتاج كلام معاودة ، والسلام عليكم يا خاوتي يا ثروة الجزائر الحقيقية …
يا لخاوة وكتاش نتحركو لقد عم الفساد البر و البحر و المشكل ولاد الخونة يتكلموا بإسم الوطنية ..متى بداية العمل
هاد الهدر راه مهيش في بلاصه المهم مناش عملاء اء سرائيل
السلام عليكم ورحمة الله تعالى وبركاته جميعاً ، وخصوصاً إلى الأخ جزائري فحل .. والله يا خوي نقول لك كليمه وافهمني الله يعطيك الصحه … هذا الغرس راهو قدامك : زيد تها لله فيه ، وما تقطعش عليه الماء .. راه إذا قطعت عليه السقيه ييبس .. زيد تهالله فيه واصبر حتى تطلع سجرتو … وعندك تفشل … واستنى وقت الربيع للتلقام .. وادعي رب العالمين يلحقك باش تحصد … ويا سعدك يا خوي جزائي وفحل إذا وصلت لوقت الحصاد .. هذاك نهار اللي راني طالب من ربي نزيد نعيش ونشوفو .. وإذا غلبني المكتوب نطلب من ربي سبحانو يطول لك العمر وتقوم انت بالواجب والسلام …
يا خويا Mohand karim وجب علينا تنسيق كل الجهود في الداخل و الخارج حتى الي كان يشك في إمكانية التغيير يقتنع بجدوى التغيير واعلم أن كل ما يكتب يقرأ من جانبهم ..الله يحفظك وراني فاهمك مليح
نكتة
ثلاثة مزطولين سرقو. هربو وتخباو.جراو موراهم لابوليس . الاول حكموه تحت البيلونة قالهم خاطيني راني نريباري فالتريسيتي.الثاني لقاوه تحت السيارة قالهم انا ميكانيسيا الثالث لقاوه تحت الداب.حمار. قالولو وراهم الدراهم
قالهم واش بيكم راني غير ضك لي زد ت ……..تقبابلو عند ربي و نتحاسبو .
أولاد المجرم نزار وغيره منهم … هم أشرار الجزائر التي ضاعت مع جرائم نزار الحمار الدي ضيع كل شئ بالجزائر وأنتم تتمسخرون عير جادين في قول الحقيقة المرة … عشرية الشر والرماد والدم المصنوع من طرف أعداء الجزائر : نزار. مدين. العماري … هؤلاء لا يعرفون إلا سفك الماء ولالانقلاب على حق الشعب الدي وظفهم بالجيش ثم انقلبوا عليه ليخدموا أمهم فرنسا بعد 1992 : 30 سنة من الاستقلال أرجعوا فرنسا كما قال ديغول دلك 1962
سنرجع بعد 30 سنة إلى الجزائر .
الحركى الدين أدخلهم بومدين الجيش بعد أن صفى المجاهدين من الجيش ليخلو له الجو وحيدا دون منازع ليتربع على عرش الجزائر ويقصي المجاهدين الأحرار من بناء الجزائر الأبية …. هؤلاء جرثومة الاستعمار الخبيثة التي سوف ينقلب الشعب الجزائي عليها قريبا ….
النظام المجرم في الجزائر يحتاج شباب جزائري قوي ليدمره من الأساس ليبني جزائر العزة والكرامة التي لا يهان فيها أحد إلا الاشرار وأدنابهم .
الناس عبر العالم يقيمون الحقائق ويقولون الحقيقة كما هي وأتنم تمزحون …. إن الأمة المجاهدة لا تعرف الهزل كما يقول نبينا الكريم .
السلام عليكم الثورة على أوكار الخديعة في الجزائر من جنرالات وصنائعهم من الادارة الحكومية مثل أويحي .غول 20في 100 من الطريق السيار وبوتفليقة والباقي ….. هدفهم الوحيد استعمار جديد فرنسي صهيوني أمريكي . لأن البنائين الأحرار franc maconnerie حركة يهودية صهيونية تعمل لإعادة الاستعمار القديم بطريق جديد لأن العشرية السوداء الدموية وافقت على صنعها هؤلاء بتوكيل من جنرالات الخراب والدمار وسياسة الأرض المحروقة لكل شئ اسمه وطن جزائري . لقد أعطوا دم الجزائريين لاسرائيل 1990 بتوكيل من الهلال الأحمر الجزائري … بوتفليقة نفسه عميل وخائن كما اتهمته المحكمة في عهد الشادلي …. ارجعوا إلى الارشيف…
في الجزائر اليوم لا أحد يعمل لبنائها بل لدمارها وخدمة أنمفسهم ووكلائهم في الخارج….. فرنسا واسرائيل وأمريكا .
والفاهم يفهم …. أين المصالحة ؟ ؟؟؟ المصالحة عندهم هي ابعاد التهم والاجرام عن أصحاب وصناع انقلاب 1991 ضد اختيار الشعب لأنهم خوارج هدا الزمان عن إرادة الشعب وثوابته العظيمة لخدمة الاجرام والمجرمين من عبدة فرنسا والصهيونية العالمية في أرض الأحرار
ارايتم لمادا سااندت الافة الان الجنرال الصريح وخاصة بعد تصريحه بالخقييقة عبر قناة النهار بدون هاء فعلا لقد وصات بلادنا الى تسائل المرحوم بوضياف ou va l’algerie
تحيا حرة.
إلى القائد المخلص المجاهد المخلص الشريف أحمد قايد صالح.
على المجهودات الجبارة الدي يقوم بها في حق خلاية سرطان الخبيث القاتل .
الدي زرع ديقول في الجزائر.
و على رائسهم الحركي إبن القومي الكلب خالد الجزار.